We Share Everything

Read Hul'q'umi'num'

Back

Tu 'elhtun nans hwun'a skweyuls kw' skwoul

Huy 'elhtun 'uwu ni'us shtatul'stewut sla'thuts,

Amanda 'I' Jeremiah q'ushintul' nuluw'ilum tu stl'ul'iqulh skwoul'ew't-hws.Amanda kwunutus pook. Jeremiah numnus'us 'I' thut, “Amusthamsh kwthey pook.”Amanda thut, “'Uwu kw'iyelhtsu 'thamu tsun tu'i' pook. Eenthu ti'tlhasum tu'i pook”Tu Jeremiah t'athuts s-hakws sht'es kws t'iits 'uhwin sqe'uqs. Ni thut, “'U ch 'uwu amusthamsh 'u tey pook, ni tsun tse' kwukw-tsem'.”“Qul 'a'!” thut Amanda.

Read Hul'q'umi'num'

Hwi' nilh Jeremiah hwyux'wut thathuns tl'lim' lhq'et sheq'ums, 'I' kwukw-tsem: “AAAAAAAHHHHHHHH!”

Amanda xkw'atus tu pook ni kwthu thathuns: BLUMPH! Jeremiah thut, “GWACK!”

Tu shhw'iw'tsus-un-uq 'ewunus yuxwanchunum’ ni thut, “Hwi' lemut! Tu 'inulh stl'ul'iqulh skwoul'ew 't-hws. I tu'inulh 'I' tst lhit'ut. Sun'iw' stl'ul'iqulh skwoulew't-hws tst lhit'ut'. Tst lhit'ut mukw' stem.”“Aunlh, aunlh, aunlh, aunlh, aunlh,” thutAmanda 'I' Jeremiah.

Jeremiah kwunthats thuyum 'ukw' sumqw'uyiustus s'tl'uq'tulexun. Amanda 'ewunus 'sus ni thut, “Amusthamsh 'u tey' stl'uq’tulexun.” “Kw'iyelhtsu'thamu tsun tu stl'uq’tulexun,” thut Jeremiah. “I tsun thuyum 'ukw' sumqw’u'yi'yus s'tl'uq'tulexun.”Hwi nilh Amanda t'a'thut s-hakws sht'es st'iits 'a'ulhtsuts, shuyulhs.Lhu sqwals, “'U ch kwi'yelhtsu' thamsh 'u they s'tl'uq’tulexun, ni tsu tse' lum'et, yixwut!”“Qul 'a',” thut Jeremiah.

Hwi nilh Amanda lume'tus tu s'tl'uq'tulexuns: YA'LUKW'UM! Stl'uq'tulexun ni tl'epuxum, ni tl'epxtum ni 'u tu lhuxunuptun. Amanda Kwukw-tsem':

Aa'ww

Ne'neh!

Ne'neh

Ne'neh!

'Aa'ww!

Tu shhw'iw'tsus-unuq 'ewunus-us yuxwanchunum' ni thut, “Hwi' lemut! Tu 'inulh 'I' tst lhit'ut. Tst lhit’ut mukw' stem.” “ 'Aunlh, 'aunlh, 'aunlh, 'aunlh, 'aunlh,” thut Amanda 'I' Jeremiah.

Hwi' nilh Jeremiah 'I' Amanda nem huw'alum 'u tu tumus. “Yuw'an'thut tsun,” thut Jeremiah.“Uwu! Eenthu yuw'anthut,” thut Amanda. “U ch 'uwu stamsh yuw'en,” thut Jeremiah, “Ni tsun tse' kwukw-tseem I p'xaythinum.”“Aa qul,” thut Amanda.Hwi' Jeremiah 'I' Amanda yey'sul'u yuw'anthut, ni kw'elhkwulh-nuhwus lhulqwthut mukw' 'untsu. Jeremiah kwukw-tseem I' hwthiqunstuhwus: “AAAAAAHHHHHH!”

Tu shhw'iw'tssun-un'uq 'I' mukw’ stl'ul'iqulh ni' ewun'us yuxwanchunum' 'I' thut, “Hwi, lemut! Tu'inulh stl'ul'iqulh skwoul'ew't-hw. Sun'iw' stl'uliqulh skwoul 'ew'th-hw 'I' tst lhit'ut.Tst lhit'ut mukw' stem.”

Hwi nilh Jeremiah le'lum'utus Amanda 'i' thut, “Thu'it, Amanda, tst kwu'elh lhit'ut tsu. Stem kwu'elh tse' kw' lhit'ut 'uhw?”“'Uwu nu shtatul'stuhw,” thut Amanda.“I'lhe kwulh 'uyaqtul…i'lhe kwulh hwu hw' uywulh … i'lhe kwulh hwu 'uya'qtul 'u tu qwul-lhuy'shun tst. “'Uy shqwaluwun!” thut Jeremiah.Hwi' nilh 'elhtun 'uya'qtul tu qwullhuy'shuns I' Jermeiah thut, “Lemut tu 'i, kwimulus qwul-lhuy'shun, I' theyt'uhw 'o' stl’a'tl’um. Nu t-en 'uwu kws kwunulhthamshus kwimulus qwul-lhuy'shun. Tu'i thimat! I'lhe 'uy'a'qtul … 'I'lhe 'uy'a'qtul, 'I'lhe 'uy'a'qtul shtl'pi'wun tst.”Ttho 'nun'ulh 'uy'a'qtul shtlpi'wuns, 'I' Jeremiah thut, “Lemut tu'i kwimulus shtlpi'wun' 'uwute kw' kwunulhtstum swuyqe'allh 'i tun'a stl'uli'qulh skoul'ewt-hw kw' kwimulus shtl'pi'wun'.”

“Hee',” thut Amanda. “Tu'i s-iyus. I'lhe lhit’ut 'i' 'uya'qtul. I'lhe lhit'ut 'i' 'uya'qtul… I'lhe lhit'ut 'i' 'uya'qtul lhit'ut 'i' 'uya'qtul suqiws tst.” Hwi nilh lhit'uts 'elhtun suqiw's. “Ts'uq' tst!” thut Jeremiah. “Kwimulus suqiws!” Tu shhw'iw'tsus-un'uq hwu-alum 'I' thut, “Aa', Jeremiah 'I' Amanda, I tseep hw'uywulh, ta'tulutnamut xtsuthut I tun'a stl'ul'iqulh skwoul'ew't-hw, I tseep xtsuthut q'ilusum, 'I' Jeremiah 'uystuhw tsun 'un … kwimulus suqiws! “Aa',” thut Jeremiah, “Ni thuthi'. Amanda 'I 'unthu lhit'ut i 'uya'qtul s'aalh sitth'um.” Tu shhw'iw 'tsus-un'uq kweytsum, “stem 'a'lu 'un sla'thut? Lhwet kw thut kwus lhit'ut 'i' uya’qtul 'un sitth'um?”

Front Cover